ایران و اسراییل اوروشی دوام اېتر اېکن خلق ارا اخبارات منبعلری اخیرگی بیر نیچه ساعت ایچیده بو ایکّی مملکت بیر-بیراویگه قرشی راکت هجوملرینی اویوشتیرگنیدن بېردی.
ایتیلیشیچه ایران تامانیدن آتیلگن راکتلر بوگون اېرتهلب اسراییل ایریم حدودلرینی نشانگه توتگن.
شو بیلن بیرگه اسراییل هم بوگون باشلنیشدن بېری حاضرگچه بیر قنچه ایراندهگی نشانلرگه قرشی هجوم اویوشتیرگن.
ایران حربیلری تامانیدن نشر اېتیلگن معلوماتگه کۉره، بو مملکت هوا مدافعه تیزیمی اسراییل تامانیدن آتیلگن همدان ولایتیده «هرمس» توریدهگی دُرون اوریب توشیریشگه موفق بۉلگن.
عینی حالده، ایران پایتختی تهران شهریدن هم بیر قنچه پارتلشلر سېسی اېشیتیلگنی حقیده خبر بېریلماقده.
ایتیش کېرهک که مذکور اوروش بوندن آلتی کون ایلگری اسراییل و امریکانینگ ایرانگه قرشی قۉشمه هجوملریدن کېیین باشلنیب حاضرگچه کېنگ بیر کۉرینیشده دوام اېتماقده.
