امریکا سناسی ترامپنینگ ایران بیلن اوروشدهگی حربي صلاحیتلرینی چېکلشنی نظرده توتگن قانون لایحهسینی رد اېتدی
رویترس خبریگه کۉره، بو لایحه 53 قرشی و 47 طرفداری آواز بیلن امریکا سناسیده تصدیقلنمهدی.
خبرگه کۉره، برچه جمهوریتچیلر، بیر کیشی بوندن تشقری، لایحهگه قرشی آواز بېرگن؛ برچه دیموکراتلر، بیر کیشی بوندن تشقری، تصدیقلاوچی آواز بېرگن.
بو لایحهنی دیموکرات سناتور تیم کین و جمهوریتچی سناتور و رند پال سناگه تقدیم قیلگن اېدی.
حاضرگی کونده، جمهوریتچیلر سنا وکیللر مجلسیگه کۉپچیلیک بۉلگنی سببلی، سناده لایحهنینگ رد اېتیلیشی کوتیلگن اېدی.
دیموکراتلر ایران بیلن اوروشگه قرشی و تأکیدلشیچه، امریکا قانونیگه بناءً، حربي هجومنی باشلش بۉییچه قرار فقط کانگرس تامانیدن قبول قیلینیشی کېرهک.
شونگه قرهمهی، امریکا تشقی ایشلر وزیری مارکو روبیو هېچ قندهی قانون جمهور رییس نی بو بارهده مجبور قیلمهیدی.
امریکا و اسرایل شو هفته شنبه کونی اېرانگه کېنگ کۉلملی حربي هجوم اویوشتیریب، بو مملکت بیلن اوروشنی باشلهدی.
اوشبو هجوملرگه جوابن، ایران اسرایل شهرلریگه و منطقهدهگی امریکا بازهلریگه درون و راکت ضربهلرینی عملگه آشیردی.
ایران هجوملریدن سۉنگ، امریکا اۉز اېلچیخانهلرینی و قنسوللیکلرینی کۉپلب منطقه دولتلریده یاپدی و کېرهکسیز خادملرنی رخصت قیلدی.
بو اوروش یقین شرقده کېنگ قمراولی ماجرا خواطرینی آشیردی و بعضی دولتلر تامانیدن تنقید قیلیندی.
