تخار ولایتیدن محلی منبعلرنینگ اۉزبېک تیوی گه ایتیشیچه، اۉتگن کېچه بو ولایتنینگ کۉکچه کۉپریگی یقینلریدن کوچلی سېس اېشیتیلگن.
ایتیلیشیچه اوشبو پارتلش سېسی طالباننینگ حربی کندکی یقینلریدن اېشیتیلگن بۉلیب حاضرگچه واقعه نیمهلیگی انیق بیلللی اېمس.
شونینگدېک محلی منبعلر، اوشبو واقعه کېچه ساعت ۹ دن کیین یوز بېرگنینی معلوم قیلهدیلر.
بو شوندی بیرحالده دیر که پاکستان بیلن طالبان اۉرتهسیده اوروش باشلنگنیدن بیری طالباننینگ تخار ولایتیده حربی حرکتلری جدیلشگن اېدی.
اخیرگی کونلرده، ایریم یېتکرمهلر اۉز منبعلری معلوماتلرگه اساسلنیب طالبان بو ولایتدن حربی امکانیتلرنی پاکستان چیگرهسی تامان تاشیب یاتگنی حقیده خبر قیلگن اېدی.
شونینگدېک طالبان تخار ولایتیده پاکستانگه قرشی اوروشگه اشتراک اېتیش اوچون آدم جلب اېتیشنی هم کۉپهیتیرگن.
