لاجورد یۉلی تدقیقات مرکزی آنلاین بیر ییغین آرقهلی یقین شرق حدودیده دوام اېتهیاتگن ترنگلیکلر و بو وضعیتنینگ افغانستان کېلهجگی اوستیدهگی تاثیری حقیده، سۉزلشوو اۉتکزدی.
اوشبو مرکز تامانیدن «منطقهدهگی قدرتنی قیته تشکیل اېتیش و افغانستان کېلهجگی» عنوانی آستیده اۉتکزیلگن بو ییغینده، لاجورد یۉلی تدقیقات مرکزینینگ باشلیغی عالیه ییلماز، سابق حکومت تشقی ایشلر وزیری و ملی خوفسیزلیک کېنگشینینگ باشلیغی همده سابق حکومت ایش و اجتماعی ایشلر وزیری و اسلامی جنبش حزبینینگ اۉرین باسری فیضالله ذکی جنابلری موضوع بۉییچه صحبتلشگن.
دېیرلی بو ییغینده، دنیا و منطقه مملکتلری اۉرتهسیده باشلنگن ینگی ژئوپلیتیک رقابتلری و اوندن افغانستان قندهی تاثیرلنیشی بحث اېتیلدی.
لاجورد یۉلی تدقیقات مرکزی بو حقده یازیشیچه: «ییغینده نطق سۉزلهگن کیشیلر، منطقه اوزگریشلرینینگ تاریخی، ژئوپلیتیکی و استراتیژیک تامانلری، کوچ موازنهسی اوزگریشی، منطقه و دنیا تاثیرلی مملکتلرینینگ رقابتلری کوچهیشی، ترانزیت کریدورلرینی اهمیتی و منطقه ترتیبی بۉییچه ینگی اوزگریشلر اۉرتهگه کېلیشینی تاکیدلهگن.»
دېیرلی بو ییغینده نطق سۉزلهگن شخصلر، منطقهده دوام اېتهیاتگن ترنگلیکلر افغانستاننی هم تاثیرلنتیریشی ممکنلیگینی تاکیدلب، طالبان و پاکستان اۉرتهسیده باشلنگن اوروش خصوصیده هم اۉز فکر و ملاحظهلرینی بیلدیردی.
ییغین اشتراکچیلری تاکیدلشیچه، افغانستاننینگ مرکزی آسیا، جنوبی آسیا و یقین شرق حدودلری اۉرتهسیده یېرلشگن موقعیتی باشقه هر بیر مملکتدن کۉره، منطقهدهگی اوزگریشلردن تاثیرلنیشی ممکن دیر.
