بیرلشگن ملتلر تشکیلاتی خوفسیزلیک کېنگشینینگ افغانستان خصوصیدهگی ییغینی اۉتگن کېچه اۉتکزیلیب، مملکت ینه بیربار طالبان حاکمیتیده بۉلگن افغانستاننینگ آغیر احوالی و بو مملکتدن کېلیب چیققن خوف-خطرلر حقیده آگاهلنتیردی.
ییغینده بیر قنچه مملکتلر وکیللری، جملهدن امریکا، چین، روسیه، فرانسه و پاکستان وکیللری صحبتلشیب، افغانستانده دوام اېتیب تورگن انسان حقلری وضعیتی، ترورچیلیک تهدیدلری و سیاسی همده اقتصادی برقرارسیزلیکلردن خواطر بیلدیرگن.
اوشبو ییغینده نطق سۉزلهگن مملکتلر وکیللری، افغانستانده انسان حقلری آغیر احوالده اېکنی، ترورچیلیک تهدیدلری همان دوام اېتهیاتگنی و بو خصوصده داعش کبی گروهلر فعاللیگی همده قشاقلیک کینگهیب بارهیاتگنینی تیلگه آلدیلر.
شونینگدېک بو مملکتلر وکیللری، طالباندن انسان حقلرینی رعایت اېتیشی، ترورچیلیککه قرشی کورهش بۉییچه خلقارا تعهدلرنی نظرده توتیشی و کینگ قمراوملی حکومت تشکیل اېتیشینی طلب قیلدی.
بیرلشگن ملتلر تشکیلاتیده افغانستان نمایندهلیگینینگ سرپرستی نصیراحمد فایق اۉز صحبتلریده طالبان تامانیدن بو خصوصده اونملی بیر آدم کوتاریلمهگنیدن خواطر بیلدیریلگن.
عینی حالده، اوشبو ییغینده بیرلشگن ملتلر تشکیلاتینینگ افغانستاندهگی نمایندهلیگی یا ده «یوناما» سرپرستی جورجیت گانیون هم افغانستان احوالی حقیده تیارلهگن حساباتنی ارایه قیلگن.
