امریکا و اسراییلنینگ ایرانگه قرشی هجومی بیلن باشلنگن اوروش دوام اېتیب، اۉتگن کېچه و کوندوز دوامیده بیر قنچه هجوملر اویوشتیریلگن.
ایران یېتکیرمهلری تامانیدن نشر اېتیلگن ویدیولرگه کۉره، بو مملکت حربیلری اسراییل پایتختی تلآویو شهریگه قرشی راکت هجوملرینی اویوشتیرگن.
ایران یېتکیرمهلری تامانیدن نشر اېتیلگن معلوماتلرده، اوشبو هجوملر تلآویو شهریده جدی ویرانگرلیکلرگه سبب بۉلگنی هم معلوم قیلینگن.
شونینگدېک ایران حربی کوچلرینینگ اعلام قیلیشیچه، اولر امریکانینگ کویتدهگی حربی بیر بَزهسینی هم نشانگه توتگن.
بو حقده نشر اېتیلگن خبرلرگه کۉره، ایران تامانیدن آتیلگن ایکّی راکت امریکا حربیلرینینگ بو بَزهسیگه توشگن.
ایتیش کېرهک که حاضرگچه اوشبو اوروش قندهی و قچان یکونلنیشی هلی بیللی اېمس.
