عزیز نسین، اۉزی یازگن بیوگرافیسیده شوندهی دېدی: آتهم اۉن اوچ یاشلریده، آنهم اېسه چقهلاقلیگیده انهدولودن استانبولگه مجبورأ کېلگنلر. چونکه اولر بیربیرلری بیلن اوینهلیشلری کېرهک اېدی که مېن دنیاگه کېلنگ.
عزیز نسین 1915 ییلی هیبلی آرالی آتلی بی یېرده بیرینچی جهان اوریشیده توغیلدی. آتی نصرت اېدی. او عربچه نیگیزی بۉلیب، تینگری نینگ یاردمی انگلهمینی بېرهدی. اونینگ تۉرتته اوکهسی ناقولای شرطلری طفیلی دنیادن کۉز یومگن. نیسن شوندهی دېدی: “اوکهلریم چقهلاقلیکلریده اۉلگنلر، تیریک قالماق اوچون قنچهلر شله و کلهشق اېکنیمنی بیلینگ.” آنهسی جوده یاش یعنی 26 یاشیده وفات اېتهدی. نیسن، ایکی مرته اویلنگن و تورتته بالهسی بار. او، تورکیه نینگ شرطلریده اۉقیش یازیشدن محروم بۉلگن بیر عایلهده یازووچی بۉلیش قرارینی آلهدی. او، یازووچی بۉلیش ایستر اېکن، تقدیر اونی حربی مکتبگه یۉلچی قیلدی. چونکه کمبغل و پولسیز بالهلر شو مکتبگهگینه بارهآلر اېدی. اېندی او، قلم اۉرنیگه قورال توتیشی کېرهک بۉلردی. 1933 ییلیده سوی آت تنگلش اوچون کیچ قالگنینی تیلگه کېتیرهدی و دېدی؛ برچه چیرایلی آتلر توگهگن و بیران افتخار قیلهدیگن عایلوی آت قالمهگن اېدی. “نسین= نې سېن؟” نی قبول قیلیشگه مجبور بۉلدیم. یعنی “سېن نیمه سن؟” درواقع هروقت آتیمنی چقیرگنلریده، نیمهلیگیم حقیده اۉیلشنی ایستر اېدیم.
نصرت، 22-23 یاشلریده 1937 ییلیده افسر بۉلهدی. ایکی ییلچه او یېرگه ایشلهگن. او، یاشلیگیدن آق نمایشنانه یازووچیسی بۉلیش ایستردی. اردوده پیاده قطعهلر، توپخانه و تانگ بار اېدی. بیراق، نسین ایستهگن نمایشنامه یازیش قطعهسی یۉق اېدی. او، تیزده بو یېردن قوتیلیش ایستردی. اخیرده اورینیشلری بیلن 1944 ییلیده او یېردن قوتیلهدی. او، عسکرلیک دوریدن داستان یازیشگه باشلهیدی. گزیتهده مطلب یازهدیگن افسر اۉزیدن یوقاری منصبده بۉلگنلر تمانیدن یاقتیریلمس اېدی. شونینگ اوچون او اۉز آتی بیلن ایمس، آتهسی نینگ آتی عزیز نسین بیلن یازردی. شوندهی بۉلیب اۉزی نینگ آتی نصرت نسین یۉقالیب، تانیلمهی قالدی. همه اونی یاش یازووچی دېب تانیر اېدی. بیر یۉللـه آتهسی قیسی ادارهگه باریب اۉزینی تانیشتیرسه، عزیز نسین اېکنیگه ایشانمهگن اېکنلر. آتهسی اولا-اولگونچه اۉزینی عزیز نسین ایکنینی اثباتلشگه اوریندی.
نسین نینگ کتابلری باشقه تیللرگه باسیمدن چیقگچ، تالیف حقی آلیش ایستهیدی. بیراق، تذکرهده آتی نصرت نسین بۉلگنی اوچون انچه تیر توکیشیگه تۉغری کېلهدی. او، شعرلرینی مستعار بیر خاتین آتی بیلن نشر اېتردی. اونگچه شو سببدن شعرلری رغبت کۉرردی. حتی که شو آت بیلن سېوگی مکتوبلری هم یازیلگن. او، اصلیده داستانلرینی ییغلهتیش غایهسی بیلن یازیشگه باشلهگن. بیراق، کۉزدن چیققن یاشلر کولگودن بۉلگن ییغیدن اېمس. او اعتراف قیلهدی که؛ اېنگ تانیقلی طنزچی بۉلمسمده بونی قندهی قیلگنمنی بیلمهیمن.
نسین گزیتهلرده ایشلر اېکن، 1945 ییلیده دولت تان گزیتهسینی یاپدی و عزیز ایشسیز قالدی. شونگه قرهمهی ایکی یوزدن آرتیق مستعار آت بیلن گزیتهلرگه باش مقاله و لطیفه، مصاحبه، داستان و پولیسیه رمانلریگچه یازهدی. بو یازوولر اوندن بۉلگنی فرق اېتیلگونچه در حال باشقه بیر مستعار آت اۉیلر و یازردی. حتی که بو مستعار آتلر هم غرایب واقعهلرگه بای. اۉرنک، قیزی و اۉغلی نینگ آتینی بیرلشتیریب، «رویا آتش» آتی بیلن بالهلر اوچون کتاب یازهدی. اصل موضوعدن خبرسیز بۉلگن دولت، بو کتابنی بوتون باشلنغیچ دورلرده اۉقیتهدی. و رویا آتش خاتین یازووچی صفتیده تانیلهدی. ینه بیر داستاننی فرانسیسزچه تیلیده یازیب مستعار آت بیلن مجلهده نشر قیلهدی. اوشبو طنز، جهان طنزلری کتابیده فرانسیسزچه طنز صفتیده تن آلیندی. قیزیغی شو که مستعار چینچه بیر آت بیلن یازگن داستانی، مجلهده چین تیلیدن ترجمه دېب نشر اېتیلگن اېکن.
نسین، یازووچیلیک قیلهآلمهگن پیتلر جوده فرقلی ایشلر جملهدن: بقاللیک، ساتووچیلیک، محاسبهچیلیک، روزنامه/گزیته ساتووچیلیگی و عکسالیک قیلگن. بیراق، بولرنینگ بیرانتهسینی هم یاقتیرمهگن و قیزیقیش کۉرستمهگن. او، یازگنلری اوچون بیش یریم ییل قماقده قالگن. بیش یریم ییلدن آلتی آیی، مصر پادشاهی ملک فاروق و ایران شاهی رضا شاه نینگ ایستهگی اۉزره اېدی. اولر نسین نی انقرهدهگی اېلچیلر واسطهسی بیلن محکمهگه تارتیب اولرگه حقارت قیلگنینی ادعا قیلگنلر.
- ییلیده ایلک مرته اونی اوشلهگنلر و برابر آلتی کون پولیس اوندن شو سۉراقنی سۉرهگن: “سینینگ آتینگ بیلن نشر بۉلهدیگن مقالهلرنینگ حقیقی یازووچیسی کیم؟” چونکه پولیسلر مقالهلرنی نسین یازگنیگه ایشانمس اېدیلر. وقت اۉتیب بو واقعه تیسکری بۉلدی. شوندهی که، باشقه مقالهلرنی مستعار آت بیلن یازگنسن دېب توتدیلر. اېندی نسین اولرنی یازمهگنینی اثباتلشی کېرهک اېدی. توستدن یلغانچی بیر شاهد تاپیلیب، یازمهگن مقالهسی اوچون آلتی آی قماققه توشدی.
1956 ییلی جهان طنز یازووچیلیک بیلشوویده بیرینچی بۉلیب، آلتین نخل ساورینینی قۉلگه کیریتدی. اېندی بوتون مجلهلر، گزیتهلر… اونینگ یازوولری آرقهسیده اېدی. بو حال کۉپ چوزیلمهی ینه اونگه قدغن کېلدی. تا که 1957 ییلیده تکراردن آلتین نخل ساورینینی یوتوب الدی. 1966 ییلیده بلغارستاندن تیپیر تیکان ساورینینی الدی. 1960 ییلیده آلتین نخل ساورینلریدن بیرینی دولتگه بغیشلهدی. او، یازگن شرح حالیگه 2 مینگدن آرتیق داستان یازگنینی ایتیب، عایله اعضاسی اۉن اېمس ده، 20 کیشی بۉلگنیده تۉرت مینگگه یقین بولرلیگینی تخمین قیلهدی. او 56 جلد کتاب یازگنیدن خبر بېرهدی. مقالهلری 23 تیل و کتابلری 17 تیلگه باسیلگن. نمایشنامهلری اېسه یېتی مملکتده اجرا اېتیلگن.
نصرت نسین، 1995 ییلی 6 جولای کونی یورهک کسللیگی سببی بیلن دنیادن کۉز یومدی. حیاتی دوامیده کۉپلب مکافاتلر، فخری یارلیقلر، مداللر بیلن تقدیرلنگن و قۉلگه کیریتگن ایریم مهم مکافاتلری قوییدهگیچه:
1959 ییلیده ژورنالستلر جمعیتی نینگ فکاهی ساورینی
1966 ییلیده التین تیپیری تیکان، بلغاریا «وطنی وظیفه» حکایهسی بیلن
1968 ییلیده میلیت گزیتهسی 6-قرهجان ساورینی- بیرینچی اۉرین
1969 ییلیده کروکودیل مکافاتی، سوویت اتفاقی «انسانلر اویغانهدی» حکایهسی بیلن
1974 ییلیده ارکن بالهلر ادبیاتی ایکینچی اۉرین
1975 ییلدیه لوتووس اسیا-قفقازیا یازووچیلر اویوشمهسی مکافاتی
1977 ییلیده بلغاریا خلقآرا کولگی کتابلر تنلاووی هیتر پیتر ساورینی
1978 ییلیده مدآرهلی رمان ساورینی «یشر نی یشیر، نی یشهمز» رمانی بیلن
1978 ییلیده اېرککچه موفقیت مکافاتی «تولستوی نی سېوماق» حکایهسی بیلن
1985 ییلیده تویاپ- خلق تنلهگن ییل یازووچیسی
1990 ییلیده تولستوی آلتین مکافاتی و فنا تیاتر مکافاتی
1991 ییلیده روشتی کورآی ساورینی
1992 ییلیده ادبیاتچیلر اویوشمهسی فخری مکافات و آلتین مدال
1993 ییلیده کارل وان اوسیتیزکی و دایونایسز شعریت مکافاتی
1994 ییلیده سیپیجی خلق ارا مطبوعات اېرکینلیک مکافاتی
1995 ییلیده اورحان آپاېدین دیموکراتیک و تینچلیک مکافاتی
