افغانستان بۉییچه چین مخصوص وکیلی یو شیایونگنینگ اعلام قیلیشیچه، طالبان رسمیلری افغانستانده بۉلگن چین وطنداشلری جانینی سقلشده وعده بېرگن.
چین مخصوص وکیلی ایکس صحیفهسیده یازگن بیاناتیگه کۉره، بو خصوصده طالباننینگ تشقی ایشلر وزیری امیرخان متقی و صنعت و تجارت وزیری نورالدین عزیزی وعده بېرگنلر.
شونینگدېک، چین مخصوص وکیلی طالبان رسمیلری چین وطنداشلریگه قرشی اویوشتیریلگن هجوملر هم تېکشیریلیشی خصوصیده ایشلر دوام اېتهیاتگنینی معلوم قیلگن.
ایتیش کېرهک که چین مخصوص وکیلی یقینده کابلگه سفر قیلیب طالبان رسمیلری بیلن اوچرهشگن اېدی.
طالبان تشقی ایشلر وزیرلیگی تامانیدن یو شیایونگ و امیرخان متقی اوچرهشوویدن نشر اېتیلگن بیاناتده بو خصوصده هیچ نرسه دېیلگن اېمس.
دېمک بوندن ایلگری افغانستانده چین وطنداشلریگه قرشی بیر قنچه هجوملر اویوشتیریلگن اېدی.
بیراق کابلده چین وطنداشلریگه تېگیشلی بیر رستورانت و افغانستان و تاجکستان چیگرهسیده چین وطنداشلریگه قرشی اویوشتیریلگن هجوملرده بیر قنچه کیشی جان بېرگن اېدی.
