طالبان تامانیدن نشر اېتیلگن معلوماتلرگه کۉره، اۉتگن کون دوامیده ۷۴ مهاجر عایله ایران و پاکستاندن چیقاریلیب، افغانستانگه قیتریلگن.
بو حقده نشر اېتیلگن معلوماتلر اساسیده، اوشبو مهاجرلر جملهسیدن ۳۵ عایله هرات ولایتی اسلامقلعه چیگره یۉلی آرقهلی ۲۵ عایله نیمروز ولایتی ابریشم کۉپریگی یۉلی آرقهلی و ۱۴ عایله قندهار ولایتی اسپین بولدک چېگره یۉلی آرقهلی افغانستانگه قیتریلگن.
عین حالده، طالباننینگ مهاجرلر وزیرلیگی افغانستانلیک ۲۱ مهاجر هم پاکستان قماقخانهلریدن آزاد اېتیلیب، مملکتگه قیتریلگنینی اعلام قیلگن.
ایتیش کېرهک که ایران و پاکستان تامانیدن افغانستانلیک مهاجرلر چیقاریلیشی کېنگ کۉلمده دوام اېتماقده.
اوشبو وضعیت دوامیده، بوندن ایلگری بیرلشگن ملتلر تشکیلاتی بو مقیاسده مهاجرلر افغانستانگه قیتیشی مملکتدهگی اقتصادی و اجتماعی باسیملرنی چوقورلشتیریشیدن آگاهلنتیرگن.
