بیرلشگن ملتلر تشکیلاتینینگ گزارشگرلری بیر بیانات نشر قیلیب، امریکا قۉشمه ایالتلری و اسرایلنینگ ایرانگه قرشی دواملی هجوملرینی قارلهلهگن.
خلقارا یېتکیرمهلر تامانیدن نشر اېتیلگن خبرلرگه کۉره، بیرلشگن ملتلر تشکیلاتینینگ بو اعضالری امریکا و اسرایلنینگ اوشبو هجوملرینی خلقارا قانون و قاعدهلرنی بوزیش دېب تاکیدلهگن.
دېمک امریکا و اسرایلنینگ ایرانگه قرشی هجوملری چمهسی ایکّی هفتهدن بېری دوام اېتماقده.
شونینگدېک اوشبو هجوملرگه جوابا ایران هم اسرایل همده منطقه ایریم مملکتلریدهگی امریکا حربی بَزهلرینی نشانگه توتیش مقصدیده هجوملرنی عملگه آشیریب کېلماقده.
اوشبو وضعیت، یقین شرق حدودیده جدّی ناتینچیلیکلرنی اۉرتهگه آلیب کېلگن.
ایتیش کېرهک که حاضرگچه، ایران بیلن امریکا و اسرایلنینگ اوروشی قچان و قندهی یکونلنیشی بېللی اېمس و بو خصوصده سېزیلرلی سعی و حرکتلر هم باشلنمهگن.
