طالبان مدافعه وزیرلیگینینگ سۉزلاوچیسی عنایتالله خوارزمی اۉزینینگ ایکس صحیفهسیده نشر قیلگن بیاناتیده ادعا قیلیشیچه، بو حاکمیت تامانیدن پاکستان حربیلریگه قرشی هوا هجوملری اویوشتیریلگن.
خوارزمینینگ ایتیشیچه، اوشبو هجومده خیبرپختونخواهنینگ کوهات حدودیدهگی پاکستان حربیلری مرکزی نشانگه توتیلگن.
طالبان سۉزلاوچیسی اوشبو هجومگه عاید بیر ویدیو هم نشر قیلگن.
طالباننینگ ادعا قیلیشیچه، اوشبو هجوم نتیجهسیده پاکستان حربیلریگه تلفات یېتکزیلگن. بیراق بو خصوصده انیق رقم بېریلگن اېمس.
عینی حالده طالبان مدافعه وزیرلیگی، هجومده پاکستان حربیلریگه تېگیشلی حربی امکانیتلر هم یۉق اېتیلگنینی ادعا قیلگن.
طالبان بو هجوملرنی، پاکستان تامانیدن کابل، قندهار، پکتیا و پکتیکا ولایتلریده اویوشتیریلگن هوا هجوملریگه قرشی جوابا عملگه آشیرگنینی معلوم قیلگن.
ایتیش کېرهک که اۉتگن کېچه پاکستان تامانیدن اویوشتیریلگن هجوملر نتیجهسیده تۉرت کیشی جان بېریب و ۲۵ کیشی یرهلنگنی طالبان تامانیدن تصدیقلنگن.
