افغانستان تاریخیدهگی بیرینچی هزاره باش وزیری سلطان علی کشتمند لندنده وفات اېتدی.
اونینگ اوکهسی اسدالله کشتمند بوگون (جمعه۲۲ حوت) اۉزینینگ فیسبوک صحیفهسیده سلطان علی کشتمندنینگ وفاتینی تصدیقلهدی.
سلطان علی کشتمند۱۱ جون۱۹۸۱ ییلدن۲۶ می۱۹۸۸ ییلگچه ببرک کارمل دوریده و۲۱ فبروری۱۹۸۹ ییلدن۸ می۱۹۹۰ ییلگچه داکتر نجیبالله حکمرانلیگی دوریده افغانستان باش وزیری بۉلگن.
شونینگدېک، او بیر مدت پلان وزیری و کابل اهالیسی وکیلی صفتیده اۉن ایکّینچی دوریده نمایندهلر مجلس اعضاسی بۉلگن.
سلطان علی کشتمند ۱۳۱۴ قویاش ییلده چهاردهی کابلده توغیلگن.
اونینگ بابالری غزنی فولادی و دایمیرداد هزارهلریدن بولگن. عبدالرحمنخان تامانیدن هزارهلرگه قیلینگن قیرغیندن کېین اونینگ عایلهسی کابلگه کۉچیب اۉتگنلر.
کشتمند نجیبالله حکومتینینگ قولهشیدن سۉنگ بیرینچیدن روسیهگه، کېین اېسه انگلستانگه باریب جایلیشگن.
