افغانستان بۉییچه چین مخصوص وکیلی یو شیایونگنینگ اعلام قیلیشیچه، طالبان و پاکستان اۉرتهسیدهگی تۉقنهشوولر خصوصیده پاکستان رسمیلری بیلن اوچرهشوو اۉتکزگن.
دیمک چین مخصوص وکیلی پاکستان تشقی ایشلر وزیرلیگینینگ اۉرین باسری آمنه بلوچ و پاکستاننینگ افغانستان بۉییچه مخصوص وکیلی محمد صادق بیلن اوچرهشوو اۉتکزیب، طالبان بیلن بۉلگن تۉقنهشوولرنی آزهیتیریش مسالهسی بۉییچه صحبتلشگن.
چین مخصوص وکیلینینگ معلوم قیلیشیچه، اوچرهشووده کیسکینلیکلر سۉزلشوو آرقهلی حل اېتیلیشی هم تاکیدلنگن.
ایتیش کېرهک که طالبان و پاکستان اۉرتهسیدهگی تۉقنهشوولر جدیلشیشی بیلن بیر وقتده، بو وضعیتنی توگهتیش اوچون چین سعیوحرکتلری کۉپهیگن.
اۉتگن کون چین تشقی ایشلر وزیری وانگ یی، طالبان تشقی ایشلر وزیری امیرخان متقی بیلن صحبتلشیب، بو بارهده واسطهچیلیک قیلیشده تیارگرلیک کۉرسهتگن اېدی.
