طالبان نظارتیدهگی افغانستان جسمانی تربیهلش و سپورت کمیتهسینینگ اعلام قیلیشیچه، مملکت اۉغلاق جماعهسی قزاقستاننینگ تورکستان ولایتیده اۉتکزیلیشی ریجهلشتیریلگن خلقارا اۉیینلرده اشتراک اېتیش مقصدیده، بو مملکتگه جۉنب کېتگن.
ایتیلیشیچه مذکور جماعه، بوگون شنبه ۲۳ – حوت، قزاقستانگه سفر قیلگن.
بوندن ایلگری، طالبان نظارتیدهگی افغانستان اۉغلاق فدراسیونیدن منبعلر اۉزبېک تیوی گه اوشبو اۉیینلرده افغانستان جماعهسی اوچون اۉن-ایکّی اۉغلاقچی انیقلنگنینی معلوم قیلگن اېدی.
ایتیلیشیچه بو اۉیینلر اۉن مملکت جماعهلری اۉرتهسیده اېرته ۱۵ – مارچ کونی باشلنیب، ۲۱ – مارچ گچه دوام اېتهدی.
اۉیینلرده، افغانستان جماعهسی قۉشیمچه، قزاقستان، اۉزبېکستان، تاجیکستان، تورکمنستان، چین، تورکیه، مجارستان، روسیه و مغولستان اۉغلاق جماعهلری اشتراک اېتگن.
اۉغلاق سپورتی بۉییچه کوچلی جماعهلر بۉلمیش قزاقستان اۉغلاق تیرمه جماعهسی بو مملکتنینگ ایچکی لیگهسی بۉلگنی اوچون قزاقستان اۉیینلریده اشتراک اېتگن اېمس.
