پاکستان اوردوسی طالبان تیناوون (جمعه،۲۲حوت) بیر نېچته درونلرنی بو مملکت تامان اوچیرگنینی تصدیقلهدی.
پاکستان اوردوسی بیاناتیده ایتیلیشیچه، بو درونلر کوزهتیب آلینگن و مقصدلریگه یېتمهگن، اما اولرنینگ قالدیقلری سببلی کویته شهریده ایکّی باله و کاهات همده راولپندیده ایکّی نفر تینچ اهالی یرهلنگن.
پاکستان اوردوسی کۉره «بو هجوملر آدملر آرهسیده قۉرقوو اویغاتیش و طالبان افغانستاننی باشقرهیاتگن تروریستیک تفکرنی اېسلهتیش مقصدیده عملگه آشیریلدی»
طالبان تیناوون اولر خیبرپختونخوا و اسلام آباددهگی پاکستان حربي مرکزلری و انشاتلرینی درون هجومی بیلن نشانگه آلگن و اوردوگه مالیوي همده انساني ضرر یېتکزگنینی ادعا قیلگن اېدی.
بو هجوملر پاکستان افغانستاننینگ تۉرت ولایتیگه جملهدن کابل، قندهار، پکتیا و پکتیکاگه کېچهسی عملگه آشیرگن هوا هجوملریگه جوابن صادر بۉلگن.
پنجشنبه کېچهسی (۲۱حوت) پاکستاننینگ کابلدهگی هجومیده کمیده تۉرت نفر تینچ اهالی هلاک بۉلگن و۱۴کیشی، جملهدن عیاللر و بالهلر یرهلنگن.
