طالبان مدافعه وزیرلیگی بوگون شنبه ۲۳ -حوت، نشر قیلگن بیاناتیده ادعا قیلیشیچه، بو گروه جنگریلری پاکستاننینگ چېگره کوچلریگه قرشی هجوم اویوشتیرگن.
طالبان مدافعه وزیرلیگی، اوشبو هجوملر کنر و ننگرهار ولایتلریدهگی چېگره حدودلرده، پاکستان حربیلریدن قصاص آلیش مقصدیده عملگه آشیریلگن.
اوشبو وزیرلیکنینگ ادعا قیلیشیچه بو هجوملر عاقبتیده، پاکستان حربیلریدن ۱۴ کیشی جان بېریب و ینه ۱۱ کیشی یرهلنگن.
پاکستان رسمیلری حاضرگچه طالبان بو ادعاسی خصوصیده بیران تفصیلات بېرگن اېمس.
ایتیش کېرهک که پاکستان و طالبان اۉرتهسیدهگی اوروش دوامیده اۉتگن کون اېرتهلب پاکستان هوا کوچلری، افغانستان ایریم حدودلری جملهدن کابل، قندهار، پکتیکا و پکتیا ولایتلریده هوا هجوملرینی اویوشتیردی.
طالباننینگ ادعا قیلیشیچه، پاکستاننینگ بو هجوملری نتیجهسیده بیر قنچه عادی اهالی اۉلیب و یرهلنگن.
