فاریاب ولایتیده طالبان خوفسیزلیک قومندانلیگینینگ اعلام قیلیشیچه، بو ولایتده بېش کیشی مخدره مادهلرنی سقلش، قورال آلیب یوریش و اۉغیرلیکده عیبلنیب حبسگه آلینگن.
بو حقده نشر اېتیلگن معلوماتگه کۉره، طالبان کوچلری فاریاب ولایتی قیصار اولسواللیگیده ایکّی کیشینی مخدره ماده و قورال سقلشده عیبلب توتقینگه آلگن.
طالبانگه کۉره، بو شخصلرنی آلدیدن ۸۰۰ گرام چرس، شراب توزاتیش مقصدیده بۉلگن ۵۰ کیلوگرام اچّیتیلگن مهییز و ایکّی ته قورال تاپیلگن.
عینی حالده، طالبان فاریاب ولایتی گرزیوان اولسواللیگیده هم اوچ کیشی اۉغیرلیکده عیبلنیب حبسگه آلینگنیدن خبر بېردی.
ایتیش کېرهک که سۉنگی وقتلرده، فاریاب ولایتیده طالبان تامانیدن اهالی توریب عیبلاولر بیلن حبسگه آلینیشی کۉپهیگن.
