فاریاب ولایتیدن محلی منبعلرنینگ ترقهتگن خبریگه کۉره، بو ولایت مرکزی میمنه شهری یشاوچیسی بۉلمیش بهمن رجبی ناملی ییگیت، تورکیه چیگرهلریده جان بېریب، جسدی فاریابگه آلیب کېلینگن.
ایتیلیشیچه بو ییگیت، اخیرگی کونلر ایچیده ناقانونی یۉللر بیلن تورکیه اوتهیاتگن چاغیده، ساووق سببلی جان بېرگن.
بو حقده نشر اېتیلگن معلوماتلر اساسیده، مذکور ییگیتنینگ جسدی فاریابگه آلیب کېلینگن و بوگون یکشنبه ۲۴ – حوت، توپراققه تاپشیریلهدی.
ایتیلیشیچه، بو ییگیت ایشسیزلیک سبب ناقانونی یۉللردن مجبوری تورکیه کېتماقده اېکن که یۉلده جان بېرگن.
بوندن ایلگری هم بیر قنچه یاش-ییگیتلر تورکیه چیگرهسیده خودی شوندی عاقبت بیلن دوچ کېلگن اېدی.
سۉنگی ییللر دوامیده، افغانستان اقتصادیاتی یامانلشگنی آرتیدن کۉپلب یاش-ییگیتلر مجبوری مهاجرت قیلماقده دیر.
