طالبان و پاکستان اۉرتهسیدهگی تۉقنهشوولر دوام اېتر اېکن، پاکستان افغانستاننینگ ایریم حدودلریده ینگی هجوملرنی اویوشتیرگن.
خوست ولایتیده طالبان محلی رسمیلرینینگ اعلام قیلیشیچه، اۉتگن کېچه پاکستان تامانیدن اویوشتیریلگن هجوملر نتیجهسیده ایکّی کیشی جان بېریب و ینه تۉرت کیشی یرهلنگن.
بو حقده نشر اېتیلگن معلوماتلرگه کۉره، اوشبو هجوملردن بیری خوست ولایتی گربز اولسواللیگینینگ ناری قیشلاغیده اویوشتیریلگن که نتیجهده بیر عیال و بیر باله شامل ایکّی کیشی جان بېرگن.
شونینگدېک طالبان، پاکستان هجوملری نتیجهسیده خوست ولایتینینگ زازی میدان اولسواللیگیده هم تۉرت کیشی یرهلنگنینی ادعا قیلدی.
طالبان حاضرگچه، کۉپینچه پاکستان هجوملری نتیجهسیده عادی اهالی قربان بۉلگنینی ادعا قیلیب کېلماقده و بو گروه جنگریلری تلفاتلری حقیده تۉلیق تفصیلات بېرمهگن.
