بیرلشگن ملتلر تشکیلاتی انسان حقلر عالی کمیشنرینینگ ایتیشیچه، کابلدهگی معتادلر مرکزیده اویوشتیریلگن هجومده قربان بۉلگنلرنی عایلهلری تاوان پولی آلیش حقوقیگه اېگه.
اوشبو ادارهنینگ سۉزلاوچیسی ثمینالخیتان، بیر خبری ییغینده ایتیشیچه، بو واقعهده اۉنلرچه کسل اۉلدیریلگن و بو قضیه تېزلیک بیلن، مستقل و آیدین شکلیده تېکشیریلیب و بو قضیهدگه قۉلی بۉلگنلر خلق ارا معیارلرگه بنا جواب قیتریشی کېره ک.
اونینگ تاکیدلشیچه، بو تېکشیروولر نتیجهسی آچیق و آیدین شکلده اعلان قیلینیشی شرط.
بیرلشگن ملتلر تشکیلاتی انسان حقلر عالی کمیشنری شونینگدېک، انسانپرورلیک خلق ارا قانونلریگه کۉره، تینچ اهالی، اینیقسه ساغلیق مرکزلری بوتونلهی قۉریلیشینی طلب قیلدی.
اوشبو تشکیلاتگه کۉره، افغانستان و پاکستان اۉرتهسیدهگی تۉقنهشوو کېنگیشی آرتیدن تینچ اهالی تلفاتی آشگن و اۉتگن آی اخیرلریدن بېری افغانستانده ۲۸۹ تینچ اهالی جملهدن ۱۰۴ کیشی باله و ۵۹ کیشی عیال جان بېریب و یرهلنگنلر.
