بیرلشگن ملتلر تشکیلاتی باش کاتبینینگ سۉزلاوچیسی فرهان حق اۉتکزگن خبری بیر ییغینده، طالبان و پاکستان تۉقنهشوولریده تینچ اهالی قربان بۉلیشیدن خواطر بیلدیرگن.
فرهان حق، پاکستان تامانیدن کابلدهگی امید ناملی معتادلرنی دوالش مرکزیگه اویوشتیریلگن هجومدن اېسلب، بو هجومده کۉپلب آدملر قربان بۉلگنیدن خواطر بیلدیرگن.
بیرلشگن ملتلر تشکیلاتی باش کاتبینینگ سۉزلاوچیسی، طالبان و پاکستاندن اۉز-ارا تۉقنهشوولرینی تیزلیک بیلن یکونلنتیریشلرینی سۉرهگن.
شونینگدېک بیرلشگن ملتلر تشکیلاتی، ماجرا تامانلریدن ساغلیق مرکزلری و عامهوی قوریلمهلرنی نشانگه توتمسلیکلرینی هم سۉرهگن.
ایتیش کېرهک که پاکستان و طالبان اوروشی دوامیده، بیر کېچه ایلگری پاکستان کابلدهگی امید ناملی معتادلرنی دوالش مرکزینی نشانگه توتدی.
