خلقارا یېتکیرمهلر تامانیدن نشر اېتیلگن خبرلرگه کۉره، اسلام جمهوریتی تامانیدن بوگون اېرتهلب، اسرایلنینگ پایتختی تلآویو شهری نشانگه توتیلگن.
بو حقده نشر اېتیلگن خبرلرگه کۉره، ایراننینگ بو هجومی عاقبتیده ایکّی کیشی جان بېرگنی انیقلنگن.
دېمک ایران اسلام جمهوریتی، بو راکت هجوملرینی اوشبو مملکت خوفسیزلیک کېنگشینینگ کاتبی علی لاریجانی اۉلدیریلیشیگه جوابا عملگه آشیرگن.
ایتیش کېرهک که اۉتگن کون اسرایل تامانیدن اویوشتیریلگن هجوم عاقبتیده، ایران یوقاری مرتبهلی رسمیلریدن بیری بۉلمیش علی لاریجانی اۉلدیریلگن اېدی.
امریکا و اسرایلنینگ ایرانگه قرشی باشلنگن هجوملریدن بېری ایراننینگ کۉپلب یوقاری مرتبهلی رسمیلری جملهدن بو مملکت سابق مذهبی رهبری علی خامنهای اۉلدیریلگن.
