پاکستان اخبارات و نشریات وزیری عطاوالله ترار مملکتی رمضان هییتی مناسبتی بیلن «افغانستاندهگی ترورچیلر و اولرنینگ قۉللب-قوّتلاوچی تاسیساتلریگه قرشی» هجوملرنی وقتینچه تۉختهتیشینی بیلدیرگن.
او بوگون کېچقورون (چهارشنبه، 27 حوت) بو چارهنی بیر تمانلمه طرزده و سعوديه عربستانی، قطر همده تورکيه ایستهگی اساسیده عملگه آشیرماقده.
پاکستان اخبارات و نشریات وزیرینینگ قۉشیمچه قیلیشیچه، مملکتینینگ هجوملری بوگون کېچهدن، یعنی 23-مارچگچه تۉختهتیلهدی.
او«شونگه قرهمهی، اگر چېگرهنی کېسیب اۉتیش، درون هجومی یاکه پاکستانده هر قندهی ترور حادثهسی یوز بېرسه، غضباللحق عملیاتلری درحال ینه-ده کوچلی طرزده دوام اېتتیریلهدی دېگن»
طالبان افغانستانده حاضرچه پاکستان هجوملرینی تۉختهتیش حقیدهگی بو قرارگه جواب بېرمهگن.
طالبان و پاکستان اۉرتهسیدهگی تۉقنهشوو تخمیناً اوچ هفتهدن بېری دوام اېتماقده و کېنگ خواطرلر توغدیرماقده.
منطقهدهگی تورلی دولتلر ایکّی تاماننی هم ترنگلیکنی کمهیتیریشگه و معمالرنی ملاقات آرقهلی حل قیلیشگه چقیرگن.
