قطر تشقی ایشلر وزیرلیگینینگ اعلام قیلیشیچه، بو مملکتدن ایران ایریم دیپلوماتلری چیقاریلهدی.
بو حقده نشر اېتیلگن بیاناتگه کۉره، اوشبو قرار قطر حدودیگه ایران تامانیدن اویوشتیریلگن هجوملر اینیقسه راس لفان صناعت شهریده اویوشتیریلگن هجوم آرتیدن قبول قیلینگن.
شونینگدېک قطر تشقی ایشلر وزیرلیگی، ایران تامانیدن اویوشتیریلهیاتگن هجوملر حقیده اۉز تنقیدی و خواطرینی هم بو مملکتدهگی ایران ایلچیسیگه بیلدیرگن.
ایتیش کېرهک که امریکا و اسراییلنینگ ایرانگه قرشی هجومی آرتیدن، یقین شرق حدودیده اوروش و ناتینچلیکلر باشلنگن.
ایران اسلامی جمهوریتی، اوشبو هجوملرگه جوابا امریکانینگ منطقه مملکتلریدهگی حربی مرکزلرینی نشانگه توتیشنی دوام بېریب کېلماقده دیر.
بوندن ایلگری، ایران خوفسیزلیک کوچلری، قطرگه قوشیمچه، سعودی عربستان، بیرلشگن عرب امیرلیکلری، کویت، عراق و باشقه منطقه ایریم حدودلریگه قرشی هجوم اویوشتیرگن اېدی.
شونینگدېک ایران تامانیدن اسراییل هم نشانگه توتیلگن.
