طالبلرنینگ غزنی ولایتیدهگی امنیه قوماندانلیگینینگ معلوم قیلیشیچه، اوشبو ولایت قره باغ اولسواللیگیده یوز بېرگن ترافیک حادثهسی عاقبتیده بیر عایله نینگ آلتی اعضاسی جان بېرگن ینه ایکّی کیشی یرهلنگن.
قوماندانلیک بیاناتیگه کۉره، حادثه تیناوون (چهارشنبه،۲۷ حوت) توشدن آلدین حدودیده، کابل-قندهار یۉلیده جایلشگن (کوتی) منطقهسیده یوز بېرگن.
اۉلگنلر ایچیده تۉرت باله، بیر عیال و بیر اېرکک بارلیگی، جراحتلنگنلر اېسه بیر باله و بیر اېرکک اېکنی بیلدیریلگن.
طالبلرنینگ غزنی امنیه قوماندانلیگی معلوماتیگه کۉره، بو ترافیک حادثهسی «فرونر» روسوملی یېنگیل موتر و یوک موترنینگ تۉقنهشووی نتیجهسیده یوزهگه کېلگن.
قربانلر غزنی ولایتی ناوه اولسواللیگی نینگ یشاوچیلری اېکنی ایتیلگن، حادثه نینگ اساسي سببی اېسه هیداوچیلرنینگ احتیاطسیزلیگی دلیل قیلیب کۉرسهتیلگن.
