اۉز دیلینینگ خبر بېریشیچه، جاپاندهگی ملی ایتنولوژی موزهیی “ایپک یۉلی سوداگرلرنینگ عکس-صداسی: سمرقند ایسدهلیکلری و ایوروآسیا علاقهلری” آتلی خلقارا کۉرگزمهنی آچدی. بو حقده اۉزبېکستان صنعت و مدنیتنی رواجلنتیریش جمغرمهسی مطبوعات خدمتی معلوم قیلدی.
کۉزگزمهده 200دن آرتیق اثر جملهدن سمرقنددن کېلتیریلگن 63ته ارکیالوژیک و موزه بویوملری نمایش اېتیلماقده. اوشبو بویوملر ارکیالوژیک انستیتوتی و سمرقند دولت موزهیی-قۉریق خانهسی تمانیدن تقدیم اېتیلگن.
متیریاللرنینگ مهم قسمی کافر-قلعه اېسدهلیگیدن آلینگن. بو نمایشلرلر اۉزبېک و جاپان ارکیالوژیکلرنینگ قۉشمه تدقیقاتلری نتیجهسی دیر و همکارلیک ثمرهلرینی یققال کۉرستهدی.
لایحه مرکزی آسیا تاریخیده سوداگرلرنینگ مهم رولینی یاریتهدی.
تشریف بویروچیلر ایپک یۉلینی نهفقط سودا یۉلی، بلکه ایورآسیانینگ تورلی حدودلرینی بغلنگن مدنی، دینی و اجتماعی المهشوو یېری صفتیده هم کۉریشلری ممکن.
کۉرگزمه 2026 ییل 3 جونگچه تشریف بویروچیلر اوچون آچیق بۉلهدی.
