امریکا قوشمه ایالتلری جمهور باشلیغی دونالد ترامپ تامانیدن هرمز بوغازی آچیلیشی خصوصیده ایرانگه بېریلگن ۴۸ ساعتلیک مدت یکونلنیب بارر اېکن، ایران رسمیلری امریکا تامانیدن بو مملکت برق انشااتلری نشانگه توتیلگن تقدیرده جواب قیتریشیدن آگاهلنتیردی.
رویترز اخبارات آژانسی تامانیدن نشر اېتیلگن خبرگه کۉره، ایران رسمیلری اگرده امریکا بوندهی بیر هجوملرنی عملگه آشیرگن تقدیرده، ایران هم منطقهدهگی سوو و برق تامیناتی انشااتلرینی نشانگه توتیشیدن آگاهلنتیرگن.
خبرده، اگرده بوندهی هجوملر عملگه آشیریلسه منطقهده شیرین سوو یېتکزیش و برق تامیناتی جدّی معما بیلن دوچ کېلیشی ممکنلیگی بیلدیریلگن.
ایتیش کېرهک که دونالد ترامپ، انیقلنگن زمانگه قدر ایران هرمز بوغازینی آچمسه، بو مملکت برق تامیناتی انشااتلری نشانگه توتیلیشیدن آگاهلنتیرگن اېدی.
ترامپنینگ اوشبو مهلتی دوشنبه کونی اداغیگچه یکونلنیشی کوتیلهدی.
