ایران اسلام جمهوریتی تشقی ایشلر وزیری سیدعباس عراقچینینگ ایتیشیچه، هرمز بۉغازی حاضرگچه باغلنگن اېمس بلکه بیمه کمپنیلرینینگ خوفسیزلیک خواطرلری باعث کېمهلرنینگ باریب-کېلیشی تۉختهتیلگن.
عراقچینینگ تاکیدلشیچه، بیمه کمپنیلرینینگ خواطری هم باشقهلر آرقهلی باشلنگن اوروشدن کېلیب چیققن مساله دیر.
دېمک اخیرگی وقتلر ایچیده، هرمز بۉغازی باغلهنیشی دنیا بۉیلب جدی خواطرلرگه سبب بۉلیب، نفت نرخی آشیشینی اۉرتهگه آلیب کېلگن اېدی.
اوشبو وضعیت دوامیده، امریکا قۉشمه ایالتلری جمهور باشلیغی دونالد ترامپ، بو دېنگز یۉلی کېلهسی ۴۸ ساعت ایچیده آچیلمسه ایراننینگ برق انشاتلریگه قرشی هجوم اویوشتیریلیشیدن آگاهلنتیرگن اېدی.
ایتیش کېرهک که بوندن ایلگری، ایران رسمیلری اوشبو یۉل آرقهلی اسراییل و امریکا منفعتیگه نفت تاشیشگه رخصت بېریمسلیگینی معلوم قیلگن اېدی.
