بیرلشگن ملتلر تشکیلاتینینگ تورلی ادارهلری افغانستانده سوو تنقیصلیگی و ساغلام ایچیملیک سوو یېتیشماوچیلیگینینگ تورلی ساحهلر اینیقسه تعلیم ساحهسیده کۉرسهتگن سلبی عاقبتلریدن خواطر بیلدیردی.
بیرلشگن ملتلر تشکیلاتی بالهلرنی حمایهلش جمغرمهسی یا ده «یونیسف»نینگ اعلام قیلیشیچه، افغانستان مکتبلریدن اوچدن بیریده ساغلام ایچیمیلیک سوو و ساغلیق امکانیتلری یۉق دیر.
یونیسفنینگ اعلام قیلیشیچه، اوشبو وضعیت سبب کۉپلب بالهلر مکتبنی ترک اېتیشگه مجبور بۉلگن.
شو بیلن بیرگه، بیرلشگن ملتلر تشکیلاتینینگ اهالی یشش دستوری هم بیر گزارش نشر قیلیب، افغانستان کۉپلب اهالیسی ساغلام ایچیملیک سوولریگه قۉل تاپالمسلیگیدن خواطر بیلدیرگن.
اوشبو تشکیلاتنینگ معلوم قیلیشیچه، افغانستانده اهالی تینگ بیر کۉرینیشده اوی-جایگه ایگه اېمسلیگی، اهالی یېترلیچه ساغلام سووگه قۉل تاپمسلیگیگه سبب بۉلگن.
ایتیش کېرهک که کۉپلب بودجهلر نظرده توتیلیشی بیلن حاضرگچه افغانستانده سوو تامیناتی اۉنملی بیر تیزیمی اۉرتهگه کېلگن اېمس.
