امریکا قۉشمه ایالتلرینینگ تشقی ایشلر وزیرلیگی امریکا وطنداشلرینی دنیا بۉیلب، اینیقسه یقین شرقده احتیاطکارلیکنی کوچهیتیریشگه چقیردی.
وزیرلیک تامانیدن نشر قیلینگن آگاهلنتیریشده ایتیلیشیچه، امریکانینگ دیپلوماتیک جایلری، جملهدن خارجدهگی نمایندهلیکلری هم نشانگه آلینگن و ایراننی قۉللب-قوّتلاوچی گروهلر دنیا بۉیلب امریکا منفعتلری همده امریکالیکلرگه تېگیشلی جایلرنی هجومگه اوچرهتیشی ممکن.
شونینگدېک، امریکا تشقی ایشلر وزیرلیگی هوا حدودی نینگ وقتی-وقتی بیلن یاپیلیشی سیاحتلرده اوزیلیشلرگه سبب بۉلیشی ممکنلیگینی بیلدیرگن.
وزیرلیک امریکالیکلردن اېنگ یقین امریکا اېلچیخانهسی یاکه قنسوللیگی تامانیدن بېریلگن خوفسیزلیک آگاهلنتیریشلریگه عمل قیلیشنی سۉرهگن.
ایرانگه قرشی امریکا و اسرایل هجوملری باشلنگنیدن بېری، ایران منطقه بۉیلب امریکاگه تېگیشلی مرکزلر و هدفلرنی نشانگه آلهیاتگنی ایتیلماقده.
بو هجوملر آرتیدن امریکا یقین شرقدن مینگلب وطنداشلرینی آلیب چیقنن همده بیر قطار دولتلردهگی دیپلوماتیک نمایندهلیکلری فعالیتینی چېکلهگن.
