بریتانیانینگ افغانستان بۉییچه مخصوص وکیلی ریچارد لیندسی عیاللر و قیزلرنی تعلیمدن محروم قیلیش مملکت کېلهجگیگه ضرر یېتکزیشینی و جمعیتلرنینگ آرتده قالیشیگه آلیب کېلیشینی ایتدی.
او بوگون (دوشنبه،۳ حوت) ایکس اجتماعی ترماغیده یازیشیچه: «افغانستانده اۉقوو ییلی باشلنیشی بیلن ینه میلیونلب قیزلر تعلیم آلیش حقوقیدن محروم بۉلماقده.»
او ینه قۉشیمچه قیلگن: «عیاللر و قیزلرنی تعلیمدن محروم قیلیش مملکت کېلهجگیگه ضرر یېتکزهدی و افغانستان جمعیتینینگ آرتده قالیشیگه سبب بۉلهدی. تعلیم همه اوچون آچیق بۉلیشی کېرهک.»
طالبلر کېتمه-کېت بېشینچی ییل هم ۶- صنفدن یوقاری قیزلرنی مکتبگه باریشدن محروم قیلماقده.
شونینگدېک، بو گروه بیلیم یورتلری و عالي تعلیم مؤسسهلری اېشیکلرینی عیاللر و قیزلر اوچون یاپیب قۉیگن.
