طالبلرنینگ کنر ولایتیدهگی اخبارات و مدنیت ریاستینینگ معلوم قیلیشیچه، پاکستان تامانیدن سۉنگگی۲۴ ساعتده عملگه آشیریلگن هجوملرده کمیده ایکّی کیشی تینچ اهالی جان بېرگن سکّیز کیشی یرهلنگن.
بیاناتده ایتیلیشیچه، ناری اولسواللیگیده بیر کیشی و سرکانو اولسواللیگیده ینه کیشی یرهلنگن. شونینگدېک، ناری اولسواللیگیده آلتی کیشی، سرکانوده اېسه ایکّی کیشی جراحت آلگنی قید اېتیلگن.
بوندن تشقری، منوری اولسواللیگی هم نشانگه آلینگن، بیراق او یېرده تلفات قید اېتیلمهگن.
طالبان رسميلری، شونینگدېک، چېگره حدودیده اۉز کوچلری تامانیدن اۉتکزیلگن جواب هجومیده پاکستاننینگ بیر پُستهسی یۉق قیلینگنینی و بیر عسکر هلاک بۉلگنینی دعوا قیلگن.
پاکستان حاضرچه اوشبو ینگی هجوملر بۉییچه رسمي تصدیق بېرمهگن.
بو واقعهلر ایکّی تامان اۉرتهسیدهگی قیسقه مدتلی اۉت آچیشنی تۉختهتیش توگهگنیدن کېینگی ایلک تۉقنهشوولر صفتیده قید اېتیلماقده. وقتینچهلیک توقنشوو سعوديه عربستانی، قطر و تورکيهنینگ چقیریغی بیلن اعلان قیلینگن اېدی.
