پاکستان باش وزیری شهباز شریف اۉزینینگ ایکس صحیفهسیده یازگن بیاناتیده، سعودی عربستان ولیعهدی محمد بنسلمان بیلن تلیفونی آرقهلی ملاقات اۉتکزگنیدن خبر بېردی.
شهباز شریف تامانیدن بوگون چهارشنبه ۵ – حمل، نشر اېتیلگن بیاناتگه کۉره، ملاقاتده منطقهده دوام اېتهیاتگن وضعیت حقیده فکر المشتیریلگن.
دېمک سعودی عربستان و پاکستان یوقاری لوازملی بو رسمیلری، امریکا و اسراییلنینگ ایران بیلن بۉلگن اوروشی حقیده صحبتلشگن.
شو بیلن بیرگه، شهباز شریف بو اوروش دوامیده سعودی عربستانگه قرشی اویوشتیریلگن هجوملرنی قارهلگن.
ایتیش کېرهک که بوندن ایلگری ایران سعودی عربستانگه قرشی بیر قنچه هجوم اویوشتیرگن اېدی. بیراق شریف بو خصوصده انیق بیر مملکتدن آت توتمهگن.
شریف و بنسلمان شوندهی بیرحالده منطقهدهگی اوروش حقیده صحبتلشماقده دیر که بوندن بیر نېچه آی ایلگری بو ایکّی مملکت اۉرتهسیده استراتیژیک حربی همکارلیکلر شرطنامهسی امضالنگن اېدی.
