ننگرهار ولایتیده طالبان محلی رسمیلرینینگ اعلام قیلیشیچه، افغانستان و پاکستان اۉرتهسیدهگی تورخم چیگره یۉلی بوگون مهاجرلر قیتیشی یوزیگه آچیلهدی.
طالباننینگ اعلام قیلیشیچه، بوگون پنجشنبه ۶ – حملدن باشلب اوشبو چیگره یالغیز افغانستانگه قیتیب کېلهیاتگن مهاجرلر یوزیگه آچیلهدی.
طالبان بو قرار، مهاجرلر خوفسیز مملکتگه قیتیشی اوچون قبول قیلینگنینی معلوم قیلدی.
اوشبو یۉل سوداگرلیک توارلر یوزیگه قچان آچیلیشی حاضرگچه بیللی اېمس.
ایتیش کېرهک که طالبان و پاکستان اۉرتهسیدهگی اوروش و تارتیشوولر باعث اوشبو یۉل باغلنگن اېدی.
تورخم چیگره یۉلی باغلنیشی افغانستان اقتصادیاتی اوچون سلبی تاثیرلر آلیب کېلیب، بیر قنچه محصولاتلر نرخی آشیشیگه سبب بۉلگن.
