طالبان معارف وزیرلیگینینگ اعلام قیلیشیچه، بوگون پنجشنبه ۶ – حمل، بیر محفل اۉتکزیلیشی بیلن افغانستانده ینگی تعلیم ییلی باشلنگن.
دېمک بو ییل هم افغانستانده تعلیم ییلی شوندهی بیرحالده باشلنماقده دیر که طالبان قیزلرنی مکتب و اۉقیشدن محرومیتده سقلب کېلماقده دیر.
شونینگدېک طالبان قچان قیزلرنی اۉقیشیگه رخصت بېریشی هم هلی بېللی اېمس.
دېیرلی طالبان، تۉرت ییل ایلگری آلتینچی صنفدن یوقاری قیزلرنی مکتب باریشدن تقیقلب، بو قرار ایکّینچی فرمانگچه عملگه آشیریلمسلیگی معلوم قیلگن اېدی.
اوشبو قراردن تۉرت ییلدن آرتیق زمان اۉتگن بۉلسه هم بیراق حاضرگچه بو ایکّینچی فرمان قچان بېریلیشی بېللی اېمس.
بوندن تشقری، طالبان حاکمیتگه قیتگنیدن بیری افغانستانده تعلیمگه بۉلگن قیزیقیش همده معارف صفتی هم سیزیلرلی درجهده آزهیگن.
شو بیلن بیرگه، طالبان حاکمیتی مکتبلرنی اۉز مفکورهلرینی عملگه آشیریش و رواجلنتیریش مکانگه اَیلنتیرگنی حقیده هم خبرلر نشر اېتیلگن.
ایتیش کېرهک که طالبان تامانیدن، قیزلر مکتبدن محروم اېتیلیشی کېنگ تنقیدلرنی اۉرتهگه آلیب کېلگن بیراق طالبان اېسه بو تنقیدلرگه تَن بېرمهی کېلماقده.
