افغانستانده طالبلر نظارتی آستیدهگی طبيعي آفتلرگه قرشی کورهش ملي ادارهسی سۉنگگی۲۴ ساعت ایچیده مملکتده یاغینگرچیلیک عاقبتیده۵ کیشی هلاک بۉلگنینی و ینه۶ کیشی جراحت آلگنینی معلوم قیلدی.
مذکور ادارهنینگ مطبوعات سۉزلاوچیسی محمد یوسف حماد بوگون (پنجشنبه، ۶حمل) اعلان قیلگن اودیو پیامیده ایتیشیچه، اوشبو حادثهلر پروان، قندهار، زابل و هلمند ولایتلریده صادر بۉلگن.
اونینگ قۉشیمچه قیلیشیچه، یاغینگرچیلیک عاقبتیده۱۶ ته اوی تۉلیق، ینه۸۷ ته اوی اېسه قسماً ویران بۉلگن.
شو بیلن بیرگه، کېچه طالبان نظارتیدهگی افغانستان ملي تلویزیونی هلمند ولایتینینگ سنگین اولسواللیگیده کوچلی یامغیر سبب بیر اوینینگ تامی قولهب توشگنی، نتیجهده۳ کیشی، جملهدن۲ نفر باله هلاک بۉلگنی و ینه 6 کیشی جراحت آلگنینی خبر قیلگن اېدی.
بو جاري قویاشي ییل باشیدن بېری یاغینگرچیلیک عاقبتیده قید اېتیلگن دستلبکی قربانلر حسابلنهدی.
اوّلگی ییللرده هم یاغینگرچیلیک، تاشقینلر و اوی تاملرینینگ قولهشیدن کېلیب چیققن کۉپلب تلفاتلر قید اېتیلگن
