خلقارا یېتکیرمهلر تامانیدن نشر اېتیلگن خبرلرگه کۉره، امریکا قوشمه ایالتلری یقین شرققه اۉن مینگ کیشیلیک هوا کوچلرینی یوبارماقچن.
دیمک اوشبو کوچلر شوندی بیرحالده یوباریلماقده دیر که امریکا و اسراییلنینگ ایران بیلن اوروشی دوام اېتماقده دیر.
ایتیلیشیچه، امریکانینگ بو حربی کوچلری خاص تعلیملرگه ایگه بۉلیب، اولر کۉپینچه پاراشوتلر بیلن خاص حدودلر اینیقسه هوا قۉنالغهلرینی باسیب آلیشده تعلیم کۉرگن.
حاضرگچه امریکا حکومتی بو خصوصده تۉلیق تفصیلات بېرگن اېمس.
بوندن ایلگری، امریکا قوشمه ایالتلری جمهور باشلیغی دونالد ترامپ قراری اساسیده، یقین شرققه کۉپراق حربی کوچ یوباریلیشی قرار قیلینگنی ایتیلگن اېدی.
ایتیش کېرهک که امریکا و اسراییلنینگ ایرانگه اویوشتیرگن هجومی آرتیدن منطقهده اوروش باشلنگن و حاضرگچه بو اوروش قچان یکونلنیشی بیللی اېمس.
