طالبلرنینگ ننگرهر ولایتیدهگی محلي مسووللری پاکستان ینه بیر بار تورخم چېگره اۉتیش یۉلینی مهاجرلرنینگ افغانستانگه قَیتیشی اوچون یاپیب قۉیگنینی اَیتماقده.
طالبان نینگ ننگرهاردهگی اخبارات و مدنیت ریاستی اخبارات بۉلیمی باشلیغی قوریشی بدلون بوگون (جمعه، ۷حمل) پاکستان کېچه ینه تورخمنی هر قندهی قتناو اوچون یاپگنینی بیلدیرگن.
اونینگ قۉشیمچه قیلیشیچه، تورخم یاپیلیشی نتیجهسیده افغانستانگه قَیتهیاتگن یوزلب عایلهلر چېگره آرتیده قالیب کېتگن.
پاکستان کېچه تورخم چېگره یۉلی قریب بیر آیدن سۉنگ مهاجرلرنینگ افغانستانگه قَیتیشی اوچون قَیته آچگن اېدی.
قریب آلتی آیدن بېری افغانستان و پاکستان اۉرتهسیدهگی چېگره اۉتیش یۉلی طالبان بیلن اوشبو مملکت اۉرتهسیدهگی تۉقنهشوولر سبب یاپیق بۉلیب کېلماقده.
بو دورده تورخم و اسپین بولدک چېگره پونکتلری فقط پاکستاندن چیقریب یوباریلگن مهاجرلرنینگ افغانستانگه قَیتیشی اوچون آچیق اېدی، بیراق پاکستان قریب بیر آی آلدین تورخمنی مهاجرلرنینگ قَیتیشی اوچون هم یاپیب قۉیگن.
