بلخ ولایتیده محلي منبعلرنینگ ایتیشیچه، «عبدالحبیب یوسفزی» ناملی بیر کیشی مزارشریف شهریده نامعلوم شخصلر تامانیدن بالته بیلن اۉلدیریلگنینی اَیتماقده.
منبعلرگه کۉره، واقعه اۉتگن کون (پنجشنبه، ۶حمل) مزار شریف شهرینینگ 4 ناحیهسیده، «هوتکیلر کۉچهسی»ده صادر بۉلگن.
ایتیشلریچه، نامعلوم شخصلر بو اېرککنی اوییگه یقین جایده اۉلدیرگن. حاضرچه بو قاتللیکنینگ سببی انیق اېمس. طالبلرنینگ بلخدهگی محلي مسووللری حاضرچه بو واقعه حقیده ایضاح بېرمهگن.
طالبلر قیتهدن افغانستانده قَیته حاکمیتگه کېلگنیدن بېری افغانستان نینگ تورلی ولایتلریده نامعلوم قاتللیکلر سېزیلرلی درجهده آشگنی ایتیلماقده.
کۉپینچه بو قاتللیکلر «نامعلوم قوراللنگن شخصلر» بیلن باغلنهدی و طالبلر اولرنی انیقلش و جزالش بۉییچه کمراق معلومات بېرهدی.
