ایران جمهور رییسی مسعود پزشکیان منطقه دولتلریدن «دشمنلر»گه اۉز توپراغلریدن توریب ایرانگه قرشی اوروشنی باشقریشگه یۉل قۉیمسلیکنی سۉرهدی.
اېران جمهور رییسی بوگون شنبه،۸ حمل ایکس اجتماعی ترماغیده «بیز بیر نېچه بار اعلان قیلگنمیزکی، ایران آلدیندن هجوم قیلمهیدی، اما تاسیساتلر و اقتصادي مرکزلرگه هجوم قیلینسه، جنایتچی دشمنگه قطعي جواب بېرهمیز.»
اونینگ قۉشیمچه قیلیشیچه، «منطقه دولتلریگه ایتهمن: اگر ترقیات و خوفسیزلیکنی ایستهسنگیز، دشمنلریمیزگه اوروشنی سیزلرنینگ توپراغینگیزدن توریب باشقریشگه امکان بېرمنگ.»
ایران امریکا و اسرایل هجوملری باشلنگنیدن کېین، منتظم روشده منطقهدهگی اَیریم نشانلرگه ضربه بېریب کېلماقده.
بو مملکت امریکا حربي بزهلری و اونگه تېگیشلی هدفلرنی نشانگه آلهیاتگنینی دعوا قیلماقده.
شونینگدېک، ایران نینگ ایتیشیچه، امریکا اَیریم هجوملرنی منطقه دولتلری حدودیدن عملگه آشیرگن و شو سببلی ایران هم هجوم منبعلرینی نشانگه آلگن.
اما منطقه دولتلری ایران هجوملرینی اۉز حاکمیتیگه ضد دېب حسابلب، جواب بېریش حقوقینی سقلب قالهیاتگنینی بیلدیرگن.
سۉنگگی کونلرده امریکارنینگ ایران انرژی تاسیساتلریگه ضربه بېریش تهدیدلری آرتیدن، ایران هم منطقهدهگی نفت انشاتلرینی نشانگه آلیشی ممکنلیگینی ایتگن.
ایکّی تامان نینگ انرژی هدفلریگه هجوم قیلیش تهدیدلری منطقه و بوتون دنیا اوچون جدّي عاقبتلر بۉلیشی ممکنلیگی حقیدهگی خواطرلرنی کوچهیتیرماقده.
