پاکستان تکلیفیگه بناءً، سعودیه عربستان، مصر و تورکيه تشقی ایشلر وزیرلری ایکی کونلیک مذاکرهلر اوچون 29-مارچ، یکشنبه کونی اسلام آباد ده جمع بۉلیشهدی.
اوشبو مذاکرهلرده بیر آی اول اېران بیلن باغلیق حالده باشلنگن اوروش کمهیتیریش مسألهسی کۉریب چیقیلهدی. شونینگدېک، بو دولتلر تشقی ایشلر وزیرلری پاکستان باش وزیری شهباز شریف بیلن هم اوچرهشیشی رېجهلشتیریلگن.
پاکستان اېران بیلن تخمیناً 900 کیلومتر عمومي چېگرهگه اېگه بۉلیب، اېران، فارس کۉرفزی دولتلری همده آمریکا بیلن یخشی علاقهلرگه اېگه. ماجرالر کوچهیگنیدن بېری، او قرهمه-قرشی تامانلر اۉرتهسیده واسطهچیلیک قیلیشگه
تیار اېکنینی بیلدیرگن.
اوّلراق، پاکستان تشقی ایشلر وزیری اسحاق دار اېرانلیک همکسبی عباس اراقچی بیلن تېلفون آرقهلی صحبتدن سۉنگ اوروش کمهیتیریش و دیپلوماتيهگه قَیتیشگه چقیرگن اېدی.
پاکستان تشقی ایشلر وزیرلیگی برقرار تینچلیککه اېریشیش اوچون مذاکرهلرگه قَیتیش ضرورلیگینی تأکیدلهدی. پاکستان بیر نېچه بار اېران و آمریکا اۉرتهسیده واسطهچی رۉلینی بجریشگه حرکت قیلگن و بو بارهده تورلی مذاکرهلر هم اۉتکزیلگن.
شونینگدېک، آمریکا و اېران وکیللری نینگ احتمالي اوچرهشووی هم اوشبو مملکتده اۉتکزیلیشی ممکن.
