گرجستانده خلقارا خاتین-قیزلر فستیوالی “Ayla fest” آتی بیلن نشانلندی. اوشبو فستیوال مد، مدنیت و خاتین-قیزلر اۉزینی افاده اېتیش امکانیتلری موللجللنگن حالده بۉلیب اۉتدی. “Ayla” سۉزی تورکچه نیگیزی بۉلیب تورکی تیللرده جملهدن قزاق تیلیده نفیس و چوقور معنالرینی انگلهتهدی.
آذرتاج خبریگه کۉره، فستیوال ایرگنه قون بیرهمی دایرهسیده “نوروز، خاتین-قیزلر بهاری” تیماسیگه بغیشلنگن.
فستیوالنینگ اساسی آماجی خاتین-قیزلر نینگ کیملیگینی عنعنهلر/سنتلر، زمانهوی گۉزهللیک بیلیمی یا ایستاتیک و خلقارا همکارلیک نقطه نظریدن نمایش اېتیش دیر. لایحهنینگ اساسچیسی و خلقارا پرودیوسری دیانا موکاجانوا نینگ تاکیدلشیچه، فستیوال ماموریتی عیاللرگه کلیشهلردن اوزاق، اېرکین و اصیل بیر یوسینده اۉز کوچلرینی نمایان اېتیش امکانینی بېرهدیگان محیط یرهتیشدن عبارت.
اوشبو فیستیوال “Ayala fest” ایلک آستانه-قزاقستانده، قوستانای و پتروپاولوفسک شهرلریده موفقیتلی اۉتکزیلگن. 2026 ییلیده گرجستاننینگ تنلهنیشی، لایحهنینگ خلقارا مقیاسیده کېنگیهیاتگنینینگ نوبتدهگی باسقیچی حسابلندی. کېلهجکده فستیوال جغرافیهسنی تورکیه و باشقه همکار دولتلر بیلن کېنگهیتیریش رېجهلشتیریلگن.
فستیوالگه تکلیف اېتیلگن آلییانس یاشلر مرکزی (Alyans Yoshlar Markazi) باشلیغی لیال همراه قلف نینگ ایتیشیچه: “عیاله-چېگرهسیز مدنیت و اندازسیز ایستهتیکه دېمک دیر. فستیوال عیالگه قدریت، شخص و ایجادی کوچ قیناغی صفتیده قرهیدی. نوروز، خاتین-قیزلر بهاری” طبیعت اویغانیشی و خاتینلیک انرژیسی ارهسیدهگی اویغونلیک دیر. ایرگنه قون فقطگینه تقویم اۉزگریشی اېمس، بلکه تیرن اۉرتاق تاریخلرنینگ بیلیشی، فلسفه و ملتلرنینگ مدنیتینی اۉرگنیش بایلیگی دیر. بو بیرهم نینگ ایلدیزلریگه قیتیش اېسه، انسانیتنینگ اېنگ قدیمی مدنیت قتلملریگه سیاحت قیلیش دېمک دیر.”
فستیوالده آلییانس یاشلری مرکزی اۉقووچیلرینینگ قۉل محنتی محصولاتلری، شمعلر و آذربایجان نینگ ملی آوقتلری-نوروز ساوغهلری نمایش اېتیلدی.
