دونالد ترامپ سیاستلریگه قرشی اوچینچی ییریک عموم خلق ناراضیلیک نمایشلری 28-مارچ، شنبه کونی مملکتنینگ برچه ایالتلریده بۉلیب اۉتدی. تشکیلاتچیلر بو نمایشلر «یۉق بۉلسین پادشاهلیک» شعاری آستیده 50 ایالتیده میلیونلب آدملر اشتراکیده اۉتکزیلگنینی بیلدیردی.
خبرلرگه کۉره، کتّه و کیچیک شهرلرده قریب اوچ مینگ کشیلیک ییغیلیش رېجهلشتیریلگن اېدی. واشنگتنده نمایشچیلر لینکلن یادگارلیگی تامان یوریش قیلدی، آتلانتا و نیویورک کبی شهرلرده هم مینگلب آدملر کۉچهلرگه چیقدی. مشهور اکتور رابرت دنیرو هم نمایشچیلر صفیده اېکن.
بعضی منطقهلرده، جملهدن لسآنجلسده کېسکینلیکلر کوزهتیلیب، خوفسیزلیک اۉرگانلری معلوماتیگه کۉره، بیر نېچه کیشی حبسگه آلینگن. اوشبو نمایشلر مهاجرلر سیاستی بیلن بیرگه اقتصادي معمالر و تشقی سیاستگه هم قرهتیلگن. تنقیدچیلر ترامپنینگ دیموکراتیک تمایللرنی ضعیفلشتیریشده عیبلهماقده.
