حاضر طالبلر نظارتی آستیدهگی افغانستان طبيعي آفتلرگه قرشی کورهش ملی ادارهسینینگ معلوم قیلیشیچه، سۉنگگی۲۴ ساعت ایچیده مملکتده یاغینگرچیلیک و تاشقینلر عاقبتیده کمیده۱۷ کیشی هلاک بۉلگن، ینه۲۶ کیشی جراحت آلگن.
مذکور اداره بوگون (یکشنبه،۹ حمل) اعلان قیلگن بیاناتیده اوشبو قربانلر جوزجان، سمنگان، سرپل، فاریاب، دایکندی، غور، بادغیس، هرات، فراه، لغمان، پروان، میدان وردک و لوگر ولایتلریده قید اېتیلگنینی بیلدیرگن.
شونینگدېک، اداره یاغینگرچیلیک و تاشقینلر نتیجهسیده اوشبو ولایتلرده۱۴۷ته اوی تۉلیق یاکه قسماً ویران بۉلگنینی معلوم قیلگن.
بوندن تشقری،۸۰ کیلومتر یۉل،۵۸۲ جریب اېکین یېرلری همده۳۱ ته قودوق و سوو ترماقلری ضرر کۉرگن.
سۉنگگی ایکّی کون ایچیده مملکتنینگ تورلی حدودلریده کوچلی یاغینگرچیلیک و تاشقینلر کوزهتیلگن.
اۉتگن هفته آخریده هم یاغینگرچیلیک و تاشقینلر عاقبتیده کمیده 5 کیشی هلاک بۉلگن و۶ کیشی جراحت آلگن اېدی.
