امریکا و اسراییلنینگ ایرانگه قرشی اویوشتیرگن هجومی آرتیدن باشلنگن اوروش و تۉقنهشوولر هلی هم دوام اېتیب، ایکّی تامان بیر-بیراویگه تېگیشلی نشانلرگه قرشی هجوملرنی اویوشتیرگن.
بوحقده نشر اېتیلگن خبرلرگه کۉره، بوگون اېرتهلب بحرین، کویت و سعودی عربستاندن هجوم سېسلری اېشیتیلگن.
ایتیلیشیچه، ایران بو مملکتلردهگی امریکاگه تېگیشلی مرکزلرگه قرشی هجوم قیلگن.
شو بیلن بیرگه، امریکا و اسراییل هم ایراننینگ ایریم حدودلریده هجوملرنی اویوشتیرگن.
ایرانگه قرشی هجوملردن بیری بو مملکتنینگ پایتختی تهران شهرینینگ جنوب-شرقی قسمیده جایلهشگن کیانشهر حدودیده حربی بیر انبارنی نشانگه توتگن.
شونینگدېک ایراننینگ باشقه بیر قنچه حدودلریده هم هجوم قیلینگنی معلوم قیلیندی.
امریکا قوشمه ایالتلری جمهور باشلیغی دونالد ترمپ، ایرانده خواهلهگن کۉپینچه مقصدلرینی یۉق اېتگنلرینی هم ادعا قیلگن.
