بیرلشگن ملتلر تشکیلاتینینگ افغانستانده دوام اېتیب تورگن وضعیتی خصوصیده تیارلهگن نوبتدهگی گزارشیده، طالبان حاکمیتیده بۉلگن افغانستانده اهالی احوالینی خواطرلی دېب معلوم قیلگن.
گزارشگه کۉره، افغانستان اهالیسی آغیر اقتصادی معمالر و طالبان چېکلاولری و باسیملری سبب اۉرتهگه کېلگن ناقولهی شرایطلر بیلن دوچ دیر.
اوشبو گزارش، ۲۰۲۵-ییل آگست آییدن ۲۰۲۶-ییل جنوریگچهنی اۉز ایچیده آلگن زمانده افغانستان احوالینی تېکشیرگن بۉلیب، بو مدت ایچیده افغانستان اهالیسینینگ احوالی جوده آغیرلشگنی قید اېتیلگن.
گزارش، بیرلشگن ملتلر تشکیلاتی انسان حقلری کېنگشینینگ ییغینیده تقدیم اېتیلگن.
حساباتنی بیلدیریشیچه، افغانستانده انسانپرورلیک یاردملر آزهیشی، اقتصادی معمالر، قورغاقچیلیک و میلیونلب مهاجرلرنینگ قیتیب کېلیشی، کېنگ کۉلمده باسیملرنی اۉرتهگه آلیب کېلگن.
شونینگدېک اوشبو گزارشده، طالباننینگ چېکلاولری و فرمانلری هم افغانستان اهالیسی اینیقسه خاتین-قیزلرنی جدّی تاثیرلنتیرگنی هم قۉشیمچه قیلینگن.
اوشبو گزارشده، طالباندن باسیملر و چېکلاولرینی تېزلیک بیلن بېکار قیلیشی هم طلب قیلینگن.
