طالبان باش محکمهسی تامانیدن نشر اېتیلگن بیاناتگه کۉره، سمنگان ولایتیده ایکّی عیال شامل تۉرت کیشی عامه حضوریده جزالنگن.
ایتیلیشیچه مذکور شخصلر سمنگان ولایتینینگ حضرتسلطان اولسواللیگیده اویدن قاچیش و زناده عیبلنیب جزالنگن.
شونینگدېک طالبان باش محکمهسی تامانیدن نشر اېتیلگن ینه بیر بیاناتگه کۉره، بلخ ولایتیده ایکّی کیشی لواطتگه عیبلنیب، عامه حضوریده جزالنگن.
بو حقده نشر اېتیلگن معلوماتگه کۉره، مذکور شخصلر بلخ ولایتینینگ شورتپه اولسواللیگیده دُره اوریلگن.
شونینگدېک طالبان بو شخصلرنی، ایکّی ییل قماققه تارتیلیشی حقیده قرار قیلگن.
ایتیش کېرهک که بیرلشگن ملتلر تشکیلاتی یقینده ترقتگن حساباتیده طالباندن بو کبی عامه حضوریده جزالشلرنی تېزلیک بیلن تۉختهتیشینی سۉرهگن اېدی.
