امریکا قوشمه ایالتلرینینگ جمهور باشلیغی دونالد ترمپ اۉتگن کېچه بۉلگن نطقیده، ایران بیلن بۉلگن امریکا و اسراییلنینگ اوروشی حقیده تفصیلات بېردی.
امریکا قوشمه ایالتلری جمهور باشلیغینینگ ادعا قیلیشیچه، بو مملکت ایران بیلن بۉلگن اوروشده نظرده توتگن مقصدلریگه یقینلشگن و بو مقصدلرنی تکمیللشتیریش اوچون کېلهسی ایکّی-اوچ هفته دوامیده ایرانگه قرشی هجوملرینی کوچهیتیرهدی.
ترمپنینگ تاکیدلهشیچه، ایران اسلامی جمهوریتی کېلیشووگه تَن بېرمسه بو مملکتنینگ برق انشااتللری بیر وقتنینگ اۉزیده هجوملرگه دوچ کېلهدی.
ترمپ شونینگدېک، ایران اېندی امریکا اوچون جدّی تهدید اېمس دېب، هرمز بۉغازی یاپیلیشی امریکا ضرریگه بۉلمهگنی و اروپا اتفاقی بو خصوصده چاره کۉریشلری کېرهک دېب بیلدیردی.
ایتیش کېرهک که امریکا جمهور باشلیغی بوندن ایلگری، ایکّی-اوچ هفته ایچیده ایران بیلن بۉلگن اوروشنی تۉختهتیشیدن خبر بېرگن اېدی.
