ننگرهار ولایتیدهگی طالبان محلي مسووللرینینگ معلوم قیلیشیچه، تورخم چېگره اۉتیش یۉلی قَیته آچیلگندن سۉنگ، قریب ۱۰۰۰ کیشی مملکتگه کیریب کېلگن.
طالباننینگ ننگرهاردهگی اخبارات و مدنیت ادارهسی باشلیغی قریشی بدلون، اوشبو چېگره آرقهلی مهاجرلرنینگ قَیتیش جریانی تېزلشگن دېدی.
شو بیلن بیرگه، قَیتگن مهاجرلر پاکستان حکومتی اوستیدن شکایت قیلماقده. اولرنینگ ایتیشیچه، بو مملکت پولیسی مهاجرلرگه نسبتاً چېکلاولرنی کوچهیتیرگن و حتا قانوني حجتلرگه اېگه بۉلگن شخصلر هم حبسگه آلینیب، قماققه تشلنماقده.
معلومکی، پاکستان طالبلر بیلن یوزهگه کېلگن کېسکینلیکدن سۉنگ، افغانستان بیلن برچه چېگره اۉتیش جایلرینی یاپگن اېدی.
بیراق بیر نېچه کون آلدین تورخم چېگره یۉلی فقط پاکستاندن قَیتهیاتگن مهاجرلر اوچون قَیته آچیلدی.
