سرپل ولایتیده طالبان خوفسیزلیک قومندانلیگینینگ اعلام قیلیشیچه، بو ولایتده اوچ کیشی اۉغیرلیک عیبی بیلن حبسگه آلینگن.
طالبان مذکور شخصلرنی، سرپل ولایتی سیدآباد اولسواللیگیدن اوشلهگن.
بوحقده نشر اېتیلگن معلوماتده، اوشبو شخصلر ۱۶ باش چاروه/مالنی اۉغیرلهگن اېکن که طالبان حبسگه آلگن.
دیمک طالبان بیر نیچه کون ایلگری هم بیر قنچه کیشی سرپل ولایتیده اۉغیرلیکده عیبلنیب حبسگه آلینگنیدن خبر بېرگن اېدی.
بو واقعهلر شوندی بیرحالده دیر که اخیرگی وقتلر ایچیده، سرپل، جوزجان و فاریاب ولایتلریده اۉغیرلیکلر سانی خواطرلی بیر درجهده کۉپهیگنی ایتیلهدی.
بو واقعهلر بیر قنچه کیشی اۉلیمیگه هم سبب بۉلگن. طالبان اېسه افغانستانده خوفسیزلیکلرنی تامینلنگن دېب ادعا قیلیب کېلماقده دیر.
